Мюнхеннинг "Бавария" клуби ўз ҳимоячиси Бенжамин Паварнинг 2023 йилдаги ўйинидан мамнун. Журналист Максимилиан Кохнинг ёзишича, немис клуби раҳбарияти франциялик футболчининг сўнгги ўйинларидан ҳайратда қолган.

Манбанинг хабар беришича, Павар ўйинининг яхшиланиши футболчининг ниҳоят марказий ҳимоячи позициясида ўйнаши билан боғлиқ. Эслатиб ўтамиз, аввалроқ Бенжамин агар унга бу позицияда ўйнаш имконияти берилмаса, жамоани тарк этиш билан таҳдид қилганди.

Паварнинг шартномаси кейинги мавсум охирида тугайди. Олдинроқ франциялик футболчи бошқа чемпионатда янги чақирувга боришни хоҳлаётгани ҳақида хабар берилганди, аммо ҳозир футболчи шартномани узайтириши мумкин.