Myunxenning "Bavariya" klubi o‘z himoyachisi Benjamin Pavarning 2023 yildagi o‘yinidan mamnun. Jurnalist Maksimilian Koxning yozishicha, nemis klubi rahbariyati fransiyalik futbolchining so‘nggi o‘yinlaridan hayratda qolgan.
Manbaning xabar berishicha, Pavar o‘yinining yaxshilanishi futbolchining nihoyat markaziy himoyachi pozisiyasida o‘ynashi bilan bog‘liq. Eslatib o‘tamiz, avvalroq Benjamin agar unga bu pozisiyada o‘ynash imkoniyati berilmasa, jamoani tark etish bilan tahdid qilgandi.
Pavarning shartnomasi keyingi mavsum oxirida tugaydi. Oldinroq fransiyalik futbolchi boshqa chempionatda yangi chaqiruvga borishni xohlayotgani haqida xabar berilgandi, ammo hozir futbolchi shartnomani uzaytirishi mumkin.
