Миср терма жамоаси ва “Ливерпуль” ҳужумчиси Муҳаммад Салоҳ ФИФАнинг The Best мукофоти доирасида йилнинг энг яхши футболчиларини аниқлашда иштирок этди.
Африкалик футболчи овоз беришда биринчи ўринга "Реал Мадрид" ҳужумчиси Винисиус Жуниорни қўйди. Иккинчи ўринни “Манчестер Сити” плеймейкери Кевин де Брюйне, учинчи ўринни “ПСЖ” қанот ҳимоячиси Ашраф Ҳакимий эгаллади.
Шу тариқа, Муҳаммад овоз бериш натижаларига кўра мукофот соҳибига айланган аргентиналик Лионел Мессини топ-3ликка киритмади. Килиан Мбаппе иккинчи, Карим Бензема учинчи бўлди.
Салоҳнинг ўзи бу сўровномада 14-ўринни эгаллади.