Ўзбекистон ўсмирлар сув полоси терма жамоаси Олма-отада давом этаётган Осиё чемпионатида бугун Кувайтга қарши баҳс олиб борди ва ғалаба қозонди. Ўйинда 13:9 ҳисоби қайд этилди.

Терма жамоамиз бунгача Қозоғистон ва Японияга ютқазиб қўйганди. Шунинг учун Кувайтга қарши баҳс жуда муҳим аҳамиятга эга эди.

Қозоғистон эса қийин кечган ўйинда Япония устидан зафар қучди (7:6) ва деярли чемпионликни нақд қилди. Кувайт терма жамоаси сўнгги турда – эртага айнан мезбонлар билан баҳс олиб боришади. Ўзбекистон эса мусобақанинг энг кучсиз вакили – Шри-Ланкани синовдан ўтказади. Эртанги ғалаба вакилларимизга Осиё чемпионатида бронза медали билан бирга жаҳон чемпионати йўлланмасини ҳам тақдим этади.

Эслатиб ўтамиз, Ўзбекистон қизлар терма жамоаси (U19) ҳам Олма-отадаги қитъа чемпионатида иштирок этди ва 2-ўринни эгаллаган ҳолда ЖЧ йўлланмасини йўлга киритди.

Ёшлар ўртасида Осиё чемпионати натижалари:
1-кун:
Япония - Шри-Ланка - 40:4
Қозоғистон - Ўзбекистон - 11:6.
2-кун:
Ўзбекистон - Япония - 9:15
Кувайт - Шри-Ланка - 23:5.
3-кун:
Қозоғистон – Шри-Ланка - 25:1
Япония – Кувайт - 20:4.
4-кун
Ўзбекистон - Кувайт - 13:9
Қозоғистон - Япония 7:6