Кубок баҳсларида анчагина муваффақиятли иштирок этадиган "Лестер" мусобақадаги бу йилги иштирокини якунлади. “Тулкилар” “Блэкберн”га 1:2 ҳисобида имкониятни бой берди.
“Лестер” аввалига 33-дақиқада, кейин иккинчи бўлим бошида яна бир гол ўтказиб юборди, Келечи Ихеаначонинг голи “тулкилар” мухлисларига умид бағишлаган бўлса-да, якунда ҳисоб бошқа ўзгармади.
Маълум бўлишича, "Лестер" 2001 йилдан бери биринчи марта Англиянинг қуйи лигаси клубига кубок баҳсида мағлуб бўлди. Ўшанда март ойида "тулкилар" "Уайкоб Уондерерс"га ютқазганди.
