Kubok bahslarida anchagina muvaffaqiyatli ishtirok etadigan "Lester" musobaqadagi bu yilgi ishtirokini yakunladi. “Tulkilar” “Blekbern”ga 1:2 hisobida imkoniyatni boy berdi.
“Lester” avvaliga 33-daqiqada, keyin ikkinchi bo‘lim boshida yana bir gol o‘tkazib yubordi, Kelechi Ixeanachoning goli “tulkilar” muxlislariga umid bag‘ishlagan bo‘lsa-da, yakunda hisob boshqa o‘zgarmadi.
Ma’lum bo‘lishicha, "Lester" 2001 yildan beri birinchi marta Angliyaning quyi ligasi klubiga kubok bahsida mag‘lub bo‘ldi. O‘shanda mart oyida "tulkilar" "Uaykob Uonderers"ga yutqazgandi.
