"Манчестер Юнайтед" бош мураббийи Эрик тен Хаг ярим ҳимоячи Марсель Забитцер ва ҳужумчи Ваут Вегхорстнинг келажаги ҳақидаги саволга жавоб берди. Бу футболчилар “қизил иблислар” сафида ижара асосида ўйнашади.
"Менимча, уларнинг келажаги ҳақида гапиришга ҳали эрта. Мавсум яқинлашмоқда ва биз бу ҳақда ўйлашимиз керак. Чалғиш ва кейинги мавсумда нима бўлишини ўйлашнинг ҳожати йўқ", - деди Тен Хаг Goal билан суҳбатда.
"Манчестер Юнайтед" чоршанба куни Англия кубоги доирасидаги уй учрашувини "Вест Хэм"га қарши ўтказади. Учрашув Тошкент вақти билан соат 00:45да бошланади.
