"ПСЖ" матбуот хизмати жамоанинг марокашлик ҳимоячиси Ашраф Ҳакимий атрофида юзага келган шов-шувли вазиятга муносабат билдирди. Футболчи жинсий зўравонликда айбланган.
"ПСЖ" айбловларни тан олмайдиган Ашрафни қаттиқ қўллаб-қувватлайди. Биз адолатга ишонамиз. "ПСЖ" - майдондан ташқарида ҳам ҳурмат тарафдори бўлган клуб", - дейилади парижликларнинг расмий баёнотида.
Бир неча кун олдин бир қиз полицияга мурожаат қилди ва футболчини жинсий зўравонликда айблади. Ҳуқуқ-тартибот органлари суриштирув ишларини бошлаган.
Ҳимоячи жорий мавсум Лига 1да 21 та ўйинда майдонга тушиб, 4 та гол урди ва 3 та голли узатмани амалга оширди.
