"Ньюкасл" ўзининг ҳужум қанотини кучайтирмоқчи, шу сабабли улар "Барселона" ўйинчиларидан бирига кўз тикишди.
Sport.es нашри хабарига кўра, "қарғалар" 2022 йилнинг ёзида "кўк-анорлилар" сафига қўшилган бразилиялик вингер Рафиньяни ёзда 75 миллион евро эвазига ўз сафига қўшиб олмоқчи.
Бу ҳаракатнинг амалга ошишига сабаблардан бири Рафиньянинг "Барселона"даги позициясидир. Мавсум давомида каталонияликлар бош мураббийи Хави бошқа схемага ўтди, шу сабабли бразилиялик вингер кўпинча фақат захирадан майдонга тушмоқда.
Усмон Дембеле жароҳат олгандан кейингина вазият ўзгарди ва унинг сафга қайтиши Рафиньянинг жамоада мунтазам ўйнашини кафолатламаслиги мумкин. Ўтган қишки трансфер ойнасида Лондоннинг "Арсенал" клуби бразилиялик футболчига даъво қилган эди, аммо испан гранди раҳбарияти рад жавобини берганди.
Рафинья жорий мавсумда "Барселона" сафида барча турнирларда 34 та ўйинда майдонга тушди. Унинг ҳисобида еттита гол ва 9та голли узатма бор.
