"Реал" билан Испания кубогининг биринчи ярим финал ўйини арафасида "Барселона" бош мураббийи Хави учрашувдан олдинги фикрлари билан ўртоқлашди ва Мадрид клубини ушбу қарама-қаршиликда фаворит деб атади.
"Бу соврин учун ажойиб имконият. "Реал" жуда хавфли рақиб эканлигини биламиз, аммо мақсадимиз ғалаба қозониш. Ўйлайманки, финалга чиқиш тақдири "Камп Ноу"даги жавоб ўйинида ҳал бўлади.
"Реал" фаворит бўлиб қолмоқда, чунки улар амалдаги Испания ва Европа чемпиони. Ҳа, биз уларни Суперкубокда мағлуб этдик, лекин тан олишимиз керак ва улар фаворит. Шу билан бирга, мен уларни қийин аҳволга солиб қўядиган қуролларимиз борлигига ишонаман. Мен жуда мувозанатли ўйин бўлишини кутяпман", - деди Хави.
