Англиянинг "Бристоль" клуби ярим ҳимоячиси Алекс Скотт шу ёзда Премьер-лигага йўл олиши мумкин, деб хабар тарқатмоқда инсайдер Фабрицио Романо.
Манбага кўра, 19 ёшли англиялик футболчининг нархи камида 20 миллион фунтни ташкил қилади.
Англия кубогининг 1/8 финали доирасидаги "Бристоль" – "Манчестер Сити" (0:3) учрашувидан сўнг “шаҳарликлар” бош мураббийи Хосеп Гвардиола Скоттни “ақл бовар қилмайдиган футболчи” деб атади.
Ушбу мавсумда ярим ҳимоячи 39 та ўйин ўтказиб, 1 та гол ва 5 та голли узатмани амалга оширди. Скоттнинг клуб билан шартномаси 2025 йилнинг ёзига қадар амал қилади.
