"Манчестер Юнайтед" бош мураббийи Эрик тен Хаг иқтидорли ҳужумчи Алехандро Гарначонинг кеча Англия кубоги доирасида Лондоннинг "Вест Хэм" жамоасига қарши ўйинидаги ҳаракатларини юқори баҳолади. Аргентиналик футболчи охирги учрашувда гол урди.
“Гарначо ажойиб гол урди. У аста-секин жамоа ўйинига қўшилиб бормоқда, уни тўхтатиш осон бўлмайди. Алехандро рақиб дарвозасига катта хавф туғдирди. Учрашув бошланишидан олдин мен унга асосий таркибда майдонга тушиб, ўйинга таъсир ўтказиш вақти келганини айтдим", - дея нидерландиялик мутахассиснинг сўзларидан иқтибос келтиради клуб матбуот хизмати.
Эслатиб ўтамиз, “қизил иблислар” “болғачилар” устидан 3:1 ҳисобида зафар қучди.
