"Manchester Yunayted" bosh murabbiyi Erik ten Xag iqtidorli hujumchi Alexandro Garnachoning kecha Angliya kubogi doirasida Londonning "Vest Xem" jamoasiga qarshi o‘yinidagi harakatlarini yuqori baholadi. Argentinalik futbolchi oxirgi uchrashuvda gol urdi.
“Garnacho ajoyib gol urdi. U asta-sekin jamoa o‘yiniga qo‘shilib bormoqda, uni to‘xtatish oson bo‘lmaydi. Alexandro raqib darvozasiga katta xavf tug‘dirdi. Uchrashuv boshlanishidan oldin men unga asosiy tarkibda maydonga tushib, o‘yinga ta’sir o‘tkazish vaqti kelganini aytdim", - deya niderlandiyalik mutaxassisning so‘zlaridan iqtibos keltiradi klub matbuot xizmati.
Eslatib o‘tamiz, “qizil iblislar” “bolg‘achilar” ustidan 3:1 hisobida zafar quchdi.
