Менхенгладбахнинг "Боруссия" клуби ярим ҳимоячиси Коуадио Конени сотиш учун унинг нархини пасайтирди.
Аввалроқ немис жамоаси 21 ёшли франциялик футболчи учун 45 миллион евро талаб қилган бўлса, энди раҳбарият футболчини 30 миллионга қўйиб юборишга тайёр.
Ёзда камида иккита ярим ҳимоячини сотиб олмоқчи бўлган "Ливерпуль" Коненинг хизматларига қизиқиш билдирмоқда. Аввалроқ футболчига Франциянинг "ПСЖ" ва "Милан" клублари ҳам қизиқиш билдираётганди.
Коне жорий мавсум Германия Бундеслигасида 21 та ўйинда майдонга тушиб, 1 та гол ва 1 та голли узатмага муаллифлик қилган. Футболчи Менхенгладбахнинг "Боруссия" жамоасида иккинчи мавсумини ўтказмоқда.
