Ярим ҳимоячи Серхио Бускетс жорий мавсум якунида “Барселона”ни тарк этишга қарор қилди. Бу ҳақда El Nacional нашри хабар бермоқда.
Манбанинг хабарига кўра, Бускетс ўз қарорини Каталония клуби президенти Жоан Лапортга етказган.
Қайд этилишича, Серхио Бускетсга Премьер-лига клублари ва МЛС клубларидан таклифлар бор. Ёзда эркин агентга айланадиган 34 ёшли ярим ҳимоячи қайси вариантни танлаши ҳозирча аниқ эмас.
Серхио Бускетс “Барселона” сафида 709 та ўйинда майдонга тушган. Уларда ярим ҳимоячи 18 та гол урган ва шерикларига 42 та самарали узатма берган.
