"Челси" марказий ҳимоячиси Уэсли Фофана жароҳатидан тикланиши ҳақида гапирди. Эслатиб ўтамиз, франциялик футболчи ЕЧЛ доирасида "Милан"га қарши ўйинда жароҳат олган ва шундан сўнг 4 ойни ўтказиб юборганди.
"Мен жуда узоқ вақт тикландим, лекин айни пайтда хотиржамликни сақладим. 4 ой узоқ вақт. Мен диққатимни жамладим ва қаттиқ ишладим. Энди мен шу ердаман. Мен бахтлиман, чунки мен жамоа билан биргаман. Бу жуда яхши", - деди Фофана "Челси" расмий сайтига.
Фофана сафга қайтганидан бери "Челси" таркибида икки бор майдонга тушди. “Кўклар” ёзда футболчи учун “Лестер”га 80 миллион евродан кўпроқ пул тўлаган.