Франциялик ҳимоячи Пьер Калюлю "Милан" билан илк алоқалари 2020 йилда қандай бўлганлиги ҳақида гапирди. Миланликлар уни атиги 480 минг еврога сотиб олган, ҳозир эса футболчи ўн баравар қиммат.
"Ўшанда "Лион"нинг иккинчи жамоасида ўйнардим. Мальдини ва Массара мен билан видеоқўнғироқ орқали боғланиб, ўйиним уларга маъқул келишини ва улар мени анчадан бери кузатиб юришганини айтишди. Бу мени илҳомлантирди. Улар мени бир ярим йилдан бери кузатиб боришларини айтишди", - деди Калюлю pianetamilan.it билан суҳбатда.
Эслатиб ўтамиз, ўтган мавсумда Калюлю жамоа таркибида Италия футболидаги энг олий соврин - Скудеттони қўлга киритган эди.
