Испания кубогининг ½ финали доирасидаги "Реал" ва Каталониянинг "Барселона" клублари ўртасидаги биринчи ўйинда меҳмонлар бош мураббийи Хави Эрнандес ва мезбонлар ҳимоячиси Дани Карвахаль ўртасида кичик можаро келиб чиқди.
Marca нашри хабарига кўра, Хави мадридликларнинг Алекс Бальдега қарши қўпол ўйинидан норози бўлган. Тўқнашувларнинг биридан кейин Хави Карвахаль томон яқинлашди ва "Сен жиннисан!" - деди. Бунга Дани нима деб жавоб берганини камералар ёзиб олмаган.
Ўйин “Барселона”нинг 1:0 ҳисобидаги ғалабаси билан якунланди. Жавоб ўйини 5 апрель куни бўлиб ўтади.
