"ПСЖ" жароҳати туфайли узоқ муддатга сафдан чиққан Преснел Кимпембенинг ўрнига янги ҳимоячи излашни бошлади.

Le Parisien нашрининг ёзишича, парижликлар эътиборини "Вильярреал" футболчиси Пау Торрес ва Лиссабоннинг "Спортинг" клубида ўйнаётган Гонсалу Игнасиуга қаратган.

Манба берган хабарга кўра, парижликлар яқин вақт ичида юқорида номлари тилга олинган футболчилардан бири билан шартнома имзолашга ҳаракат қилишади.

Торреснинг "Вильярреал" билан шартномаси 2024 йилнинг ёзига қадар тузилган. Унинг трансфер нархи 50 миллион еврога баҳоланмоқда. Игнасиу "Спортинг" билан 2026 йилнинг ўрталарига қадар шартнома асосида боғланган. Португалияликнинг нархи 25 миллион еврони ташкил қилади.