“Астон Вилла” ва Аргентина терма жамоаси дарвозабони Эмилиано Мартинес Қатарда бўлиб ўтган жаҳон чемпионатининг финал учрашувида Францияни мағлуб этган (3:3, 4:2 – пенальтилар серияси) ўйинидан сўнг терма жамоа етакчиси Лионель Мессига айтган сўзларини эслади.
"Аввало, Мессига мени жаҳон чемпиони қилгани учун раҳмат айтдим. Одамлар унинг терма жамоани қанчалик севишини, жамоа учун нимани англатишини билишмайди. У ҳаммага тенг муносабатда бўлади", - деди Мартинес TyC Sports билан суҳбатда.
Эслатиб ўтамиз, Аргентина терма жамоаси 1986 йилдан буён илк бор жаҳон чемпиони бўлди. Етти ўйинда еттита гол урган Месси турнирнинг энг яхши футболчиси, Мартинес эса энг яхши дарвозабон деб топилди.
