“Aston Villa” va Argentina terma jamoasi darvozaboni Emiliano Martines Qatarda bo‘lib o‘tgan jahon chempionatining final uchrashuvida Fransiyani mag‘lub etgan (3:3, 4:2 – penaltilar seriyasi) o‘yinidan so‘ng terma jamoa yetakchisi Lionel Messiga aytgan so‘zlarini esladi.
"Avvalo, Messiga meni jahon chempioni qilgani uchun rahmat aytdim. Odamlar uning terma jamoani qanchalik sevishini, jamoa uchun nimani anglatishini bilishmaydi. U hammaga teng munosabatda bo‘ladi", - dedi Martines TyC Sports bilan suhbatda.
Eslatib o‘tamiz, Argentina terma jamoasi 1986 yildan buyon ilk bor jahon chempioni bo‘ldi. Yetti o‘yinda yettita gol urgan Messi turnirning eng yaxshi futbolchisi, Martines esa eng yaxshi darvozabon deb topildi.
