Мадриднинг “Атлетико” клуби ҳужумчи Абде Райҳани билан шартномани узайтирди. 19 ёшли футболчининг “матрасчилар” билан янги шартномаси 2027 йилнинг ёзига қадар мўлжалланган.
Райҳани ҳали "Атлетико"нинг асосий таркибида бирор марта ҳам майдонга тушмади. Бироқ ҳужумчи ёшлар жамоасининг еттита ўйинида қатнашиб, тўртта гол урди ва иккита голли узатмани амалга оширди.
Испания чемпионатининг мавсумида 23-туридан кейин “Атлетико” 42 очко билан турнир жадвалида 4-ўринда бормоқда. Пешқадам “Барселона”дан “матрасчилар” 17 очко ортда қолмоқда. Диего Симеоне шогирдлари навбатдаги ўйинини эртага, 4 март куни "Севилья"га қарши ўтказади.
