Madridning “Atletiko” klubi hujumchi Abde Rayhani bilan shartnomani uzaytirdi. 19 yoshli futbolchining “matraschilar” bilan yangi shartnomasi 2027 yilning yoziga qadar mo‘ljallangan.
Rayhani hali "Atletiko"ning asosiy tarkibida biror marta ham maydonga tushmadi. Biroq hujumchi yoshlar jamoasining yettita o‘yinida qatnashib, to‘rtta gol urdi va ikkita golli uzatmani amalga oshirdi.
Ispaniya chempionatining mavsumida 23-turidan keyin “Atletiko” 42 ochko bilan turnir jadvalida 4-o‘rinda bormoqda. Peshqadam “Barselona”dan “matraschilar” 17 ochko ortda qolmoqda. Diyego Simeone shogirdlari navbatdagi o‘yinini ertaga, 4 mart kuni "Sevilya"ga qarshi o‘tkazadi.