"Барселона" бош мураббийи Хави Эрнандес "Сантьяго Бернабеу"да "Реал"га қарши Испания кубоги биринчи ярим финалида жамоасининг ҳимоявий услуби ҳақида фикр билдирди.
Эслатиб ўтамиз, "кўк-анорранглилар" Эдер Милитаонинг автоголи эвазига 1:0 ҳисобида минимал ғалабага эришган эди.
"Биз бунчалик чуқур ҳимояланишни режалаштирмагандик, биз тўпга узоқ вақт эгалик қилишни ва курашларда ғолиб қозонишни хоҳлагандик. Бироқ, "Реал" каби йирик жамоаларга қарши ўйинларда узоқ вақт устунлик қилишнинг иложи йўқ", - деди Хави матбуот анжуманида.
Бир ойдан сўнг "Камп Ноу"да Испания кубоги ярим финалининг жавоб учрашуви бўлиб ўтади.
