“Ливерпуль” ҳужумчиси Роберто Фирмино мавсум якунида жамоани тарк этади.

Журналист Флориан Плеттенбергнинг ёзишича, 31 ёшли футболчи якуний қарорга келган – у шартномасини узайтирмайди ва шу ёзда “Ливерпуль”ни текинга тарк этади.

Бразилиялик футболчи ўз қарори ҳақида жамоа бош мураббийи Юрген Клоппни шахсан ўзи хабардор қилган.

Фирмино 2015 йилда "қизиллар" сафига ўтган эди. Клуб билан биргаликда у Англия чемпиони (2020), Чемпионлар лигаси ғолиби (2019) бўлиб, жами еттита совринни қўлга киритди.

Жорий мавсумда ҳужумчи мерсисайдликлар сафида 25 та ўйинда майдонга тушиб, 9 та гол урди ва 4 та голли узатмани амалга оширди.