“Liverpul” hujumchisi Roberto Firmino mavsum yakunida jamoani tark etadi.
Jurnalist Florian Plettenbergning yozishicha, 31 yoshli futbolchi yakuniy qarorga kelgan – u shartnomasini uzaytirmaydi va shu yozda “Liverpul”ni tekinga tark etadi.
Braziliyalik futbolchi o‘z qarori haqida jamoa bosh murabbiyi Yurgen Kloppni shaxsan o‘zi xabardor qilgan.
Firmino 2015 yilda "qizillar" safiga o‘tgan edi. Klub bilan birgalikda u Angliya chempioni (2020), Chempionlar ligasi g‘olibi (2019) bo‘lib, jami yettita sovrinni qo‘lga kiritdi.
Joriy mavsumda hujumchi mersisaydliklar safida 25 ta o‘yinda maydonga tushib, 9 ta gol urdi va 4 ta golli uzatmani amalga oshirdi.
