"Челси" ҳимоячиси Калидоу Кулибали январь ойида Донецкнинг "Шахтёр" клубидан жамоага ўтган Михаил Мудрикнинг имкониятларини юқори баҳолади.
Эслатиб ўтамиз, украиналик футболчининг трансфер суммаси 70 миллион еврони ташкил қилган. "Кончилар" келажакда бонуслар кўринишида яна 30 миллион олишлари мумкин.
“Мудрик жуда тезкор. У яккама-якка ўйнашда ажойиб техникага эга. Михаил биз учун муҳим футболчига айланиши мумкин. Унга ўзгаришлар қилиш учун тўп керак ва бизнинг вазифамиз уни тез-тез узатмалар билан таъминлашдир", - деди сенегаллик ҳимоячи.
Эслатиб ўтамиз, Мудрик бунгача "Челси" сафида барча мусобақаларда 6 та ўйин ўтказишга муваффақ бўлган. Ушбу баҳсларда Михаил самарали ҳаракатлари билан ажралиб турмади.
