"Chelsi" himoyachisi Kalidou Kulibali yanvar oyida Doneskning "Shaxtyor" klubidan jamoaga o‘tgan Mixail Mudrikning imkoniyatlarini yuqori baholadi.

Eslatib o‘tamiz, ukrainalik futbolchining transfer summasi 70 million yevroni tashkil qilgan. "Konchilar" kelajakda bonuslar ko‘rinishida yana 30 million olishlari mumkin.

“Mudrik juda tezkor. U yakkama-yakka o‘ynashda ajoyib texnikaga ega. Mixail biz uchun muhim futbolchiga aylanishi mumkin. Unga o‘zgarishlar qilish uchun to‘p kerak va bizning vazifamiz uni tez-tez uzatmalar bilan ta’minlashdir", - dedi senegallik himoyachi.

Eslatib o‘tamiz, Mudrik bungacha "Chelsi" safida barcha musobaqalarda 6 ta o‘yin o‘tkazishga muvaffaq bo‘lgan. Ushbu bahslarda Mixail samarali harakatlari bilan ajralib turmadi.