"Челси" бош мураббийи Грэм Поттер яқин орада истеъфога чиқарилишидан хавотирда эмас. Аввалроқ, "Лидс" ва Дортмунднинг "Боруссия"си билан бўладиган кейинги икки ўйин англияликнинг тақдирида ҳал қилувчи бўлиши ҳақида хабарлар тарқалган эди.
“Кейинги иккита ўйин мен учун ҳал қилувчи бўладими? Мен воқеаларни бошқача кўраман. Биз қандай позицияда эканлигимизни яхши биламиз. Биз натижаларни тузатишимиз керак, чунки охирги пайтларда улар даҳшатли бўлди”, деди Поттер матбуот анжуманида.
Эслатиб ўтамиз, "Челси" сўнгги ўн бешта ўйинда фақат икки бор ғалаба қозонган. Жамоа АПЛда Чемпионлар Лигаси зонасидан ўн тўрт очко ортда қолиб, ўнинчи қаторда жойлашган.
