"Chelsi" bosh murabbiyi Grem Potter yaqin orada iste’foga chiqarilishidan xavotirda emas. Avvalroq, "Lids" va Dortmundning "Borussiya"si bilan bo‘ladigan keyingi ikki o‘yin angliyalikning taqdirida hal qiluvchi bo‘lishi haqida xabarlar tarqalgan edi.
“Keyingi ikkita o‘yin men uchun hal qiluvchi bo‘ladimi? Men voqealarni boshqacha ko‘raman. Biz qanday pozisiyada ekanligimizni yaxshi bilamiz. Biz natijalarni tuzatishimiz kerak, chunki oxirgi paytlarda ular dahshatli bo‘ldi”, dedi Potter matbuot anjumanida.
Eslatib o‘tamiz, "Chelsi" so‘nggi o‘n beshta o‘yinda faqat ikki bor g‘alaba qozongan. Jamoa APLda Chempionlar Ligasi zonasidan o‘n to‘rt ochko ortda qolib, o‘ninchi qatorda joylashgan.
