Ўзбекистон эркаклар терма жамоаси эса кеча арманистонлик шахматчиларга қарши кураш олиб борди.

Терма жамоамизнинг биринчи ва иккинчи рақамли гройсмейстерлари — Рустам Қосимжонов, Антон Филиппов ўз партияларини дуранг билан тугатишган бўлса, Марат Жумаев ва Андрей Квон мағлуб бўлишди. Натижада ҳисоб 3-1, Арманистон фойдасига.
Арманистон - Ўзбекистон - 3-1
Левон Аронян - Рустам Қосимжонов - 0,5-0,5
Сергей Мовсенян - Антон Филиппов - 0,5-0,5
Владимир Акопян - Марат Жумаев - 1-0
Габриел Саргисян - Андрей Квон - 1-0

7-турдан кейин 9-ўринга кўтарилиб олган шахматчиларимиз, ушбу мағлубиятдан кейин 18-ўринга тушиб кетишди. Терма жамоамиз 8та ўйинда 5та ғалаба, 1та дуранг ва 2та мағлубият қайд этиб, 11 очко жамғариб туришибди.

Вакилларимиз бугун Словенияга қарши дона сурадилар. Бугунги рақиб ҳам Ўзбекистон каби 11 очкога эга, аммо қўшимча кўрсаткичлар эвазига 25-ўринни банд этиб туришибди. Европаликлар мусобақада 28-тартибга рақамга эга.

Эркаклар ўртасидаги мусобақада Россия таъқибчиларидан 2 очкога ўзиб кетди. Кейинги ўринларни Хитой, Арманистон, АҚШ, Германия ва Филиппин терма жамоалари эгаллаб туришибди (13 очкодан).