«Лион» ярим ҳимоячиси Уссем Ауар Франкфуртнинг «Айнтрахт» клубига ўтиши мумкин.

Sport1 хабарига кўра, немис клуби 24 ёшли франциялик футболчининг ёзда эркин агентга айланишини кутмоқда. Футболчининг «Лион» билан шартномаси жорий мавсум охирида якунига етади.

«Айнтрахт» Ауарга ойига 250 минг евро (йилига 3 миллион евро) маош таклиф қилмоқда.

Аввалроқ футболчига «Манчестер Юнайтед», «Ливерпуль», «Арсенал», «Ювентус», «Милан», «Атлетико», «Рома» ва «Тоттенхэм» клублари қизиқиш билдирган эди.

Жорий мавсумда Ауар Лига 1да 9 та ўйинда майдонга тушиб, 1 та гол ва шунча голли узатмани амалга оширди.