«Lion» yarim himoyachisi Ussem Auar Frankfurtning «Ayntraxt» klubiga o‘tishi mumkin.
Sport1 xabariga ko‘ra, nemis klubi 24 yoshli fransiyalik futbolchining yozda erkin agentga aylanishini kutmoqda. Futbolchining «Lion» bilan shartnomasi joriy mavsum oxirida yakuniga yetadi.
«Ayntraxt» Auarga oyiga 250 ming yevro (yiliga 3 million yevro) maosh taklif qilmoqda.
Avvalroq futbolchiga «Manchester Yunayted», «Liverpul», «Arsenal», «Yuventus», «Milan», «Atletiko», «Roma» va «Tottenxem» klublari qiziqish bildirgan edi.
Joriy mavsumda Auar Liga 1da 9 ta o‘yinda maydonga tushib, 1 ta gol va shuncha golli uzatmani amalga oshirdi.
