Англиянинг "Манчестер Сити" клуби "Реал" Мадрид ҳужумчиси Криштиану Роналдуни сотиб олишдан умидини узмаяпти.
Ёзда клуб футболчининг агенти Жорже Мендеш орқали мадридликлар президенти Флорентино Пересга футболчи учун 200 миллион евро бериш таклифи билан чиққан, бироқ бунга рад жавобини олганди.
Бу таклифга биноан агар футболчи клубга ўтадиган бўлса, бир мавсум учун 20 миллион евро миқдорида маош олиши белгилаб қўйилганди.
Ҳозирда футболчининг "Реал"да бахтли эмаслигини гапирганини эшитган "шаҳарликлар" хўжайини шайх Мансур футболчини сотиб олиш учун яна музокараларни бошлашга яқин турибди.
"AS" нашрининг маълум қилишича, клублар музокараларни 18 сентябрь куни иккала жамоанинг Европа Чемпионлар Лигасининг доирасида "Сантьяго Бернабэу"да бўлиб ўтадиган учрашуви пайтида қайтадан тиклаши кутилмоқда.