Мадриднинг “Реал” клуби ҳужумчиси Карим Бензема жаҳон чемпионати бошланиши арафасида янги шартномага рози бўлганди. Бироқ, Relevo хабарига кўра, франциялик ҳужумчи айни дамда янги шартнома имзолашда иккиланиб турибди.
Бенземанинг иккиланишига Саудия Арабистонидан келган таклиф сабаб бўлди, бу таклифни франциялик футболчи яқинда олди. Карим бошқа клубнинг саховатли молиявий шартларига рози бўлиши ва "Реал"ни эркин агент сифатида тарк этиши мумкин.
Эслатиб ўтамиз, Бензема "Олтин тўп"нинг амалдаги соҳиби ҳисобланади. Ҳужумчи ҳисобида Испания чемпионатининг жорий мавсумида 11 та гол ва 3 та голли узатма бор.
