Madridning “Real” klubi hujumchisi Karim Benzema jahon chempionati boshlanishi arafasida yangi shartnomaga rozi bo‘lgandi. Biroq, Relevo xabariga ko‘ra, fransiyalik hujumchi ayni damda yangi shartnoma imzolashda ikkilanib turibdi.
Benzemaning ikkilanishiga Saudiya Arabistonidan kelgan taklif sabab bo‘ldi, bu taklifni fransiyalik futbolchi yaqinda oldi. Karim boshqa klubning saxovatli moliyaviy shartlariga rozi bo‘lishi va "Real"ni erkin agent sifatida tark etishi mumkin.
Eslatib o‘tamiz, Benzema "Oltin to‘p"ning amaldagi sohibi hisoblanadi. Hujumchi hisobida Ispaniya chempionatining joriy mavsumida 11 ta gol va 3 ta golli uzatma bor.
