"Манчестер Юнайтед" ҳужумчиси Мэйсон Гринвуд учун Англия терма жамоасига эшиклар ёпиқ, деб ёзади The Sun. Зўравонликда айбланган ҳужумчи терма жамоага қайтишни истайди, аммо "уч шерлар" бош мураббийи Гарет Саутгейт бунга кескин қарши.
Манбанинг таъкидлашича, Гринвуд Ямайка терма жамоасида ўйнаш ҳуқуқига эга бўлиши мумкин. Чунки унинг онаси ямайкалик.
Ҳужумчи Англия терма жамоаси сафида битта ўйин ўтказди. Гринвуд 2018 йилдан буён "Манчестер Юнайтед"да ўйнаб келмоқда. Аввалроқ, ҳужумчи мавсум охиригача майдонга тушмаслиги ҳақида хабар берилганди.