"Manchester Yunayted" hujumchisi Meyson Grinvud uchun Angliya terma jamoasiga eshiklar yopiq, deb yozadi The Sun. Zo‘ravonlikda ayblangan hujumchi terma jamoaga qaytishni istaydi, ammo "uch sherlar" bosh murabbiyi Garet Sautgeyt bunga keskin qarshi.

Manbaning ta’kidlashicha, Grinvud Yamayka terma jamoasida o‘ynash huquqiga ega bo‘lishi mumkin. Chunki uning onasi yamaykalik.

Hujumchi Angliya terma jamoasi safida bitta o‘yin o‘tkazdi. Grinvud 2018 yildan buyon "Manchester Yunayted"da o‘ynab kelmoqda. Avvalroq, hujumchi mavsum oxirigacha maydonga tushmasligi haqida xabar berilgandi.