“Ливерпуль” келаси ёзда бир қанча футболчиларидан қутулишни режалаштирмоқда. Олдинроқ ҳужумчи Роберто Фирмино жамоани эркин агент сифатида тарк этиши маълум бўлганди. Журналист Фабрицио Романонинг ёзишича, раҳбарият яна икки нафар футболчини - ярим ҳимоячилар Алекс Окслейд-Чемберлен ва Наби Кейтани текинга қўйиб юбориш ниятида.
Шунингдек, “Ливерпуль” ижарага олинган ярим ҳимоячи Артур Мелони сотиб олмаслиги маълум бўлди. Бразилиялик футболчининг Туриннинг “Ювентус” клубига қайтиши эҳтимоли катта.
Эслатиб ўтамиз, "қизиллар" келаси ёзда ўз ярим ҳимоясини тубдан қайта қуришни режалаштирмоқда. Клуб Жуд Беллингем ва Матеус Нунесни сотиб олмоқчи.