“Liverpul” kelasi yozda bir qancha futbolchilaridan qutulishni rejalashtirmoqda. Oldinroq hujumchi Roberto Firmino jamoani erkin agent sifatida tark etishi ma’lum bo‘lgandi. Jurnalist Fabrisio Romanoning yozishicha, rahbariyat yana ikki nafar futbolchini - yarim himoyachilar Aleks Oksleyd-CHemberlen va Nabi Keytani tekinga qo‘yib yuborish niyatida.
Shuningdek, “Liverpul” ijaraga olingan yarim himoyachi Artur Meloni sotib olmasligi ma’lum bo‘ldi. Braziliyalik futbolchining Turinning “Yuventus” klubiga qaytishi ehtimoli katta.
Eslatib o‘tamiz, "qizillar" kelasi yozda o‘z yarim himoyasini tubdan qayta qurishni rejalashtirmoqda. Klub Jud Bellingem va Mateus Nunesni sotib olmoqchi.