"Барселона" бош мураббийи Хави Эрнандес Испания чемпионатининг навбатдаги турида "Валенсия"га қарши бўлиб ўтадиган ўйиндан олдинги фикрлари билан ўртоқлашди. Эслатиб ўтамиз, жамоалар эртага "Камп Ноу"да ўзаро баҳс олиб боришади.
"Биз "Валенсия"нинг яхши ҳимояланишини кутамиз. Улар жуда агрессив ва шиддатли ўйнашади. Умид қиламизки, биз устунлик қиламиз ва кўплаб голли вазиятлар яратамиз. Шубҳасиз, биз ғалаба қозонишни хоҳлаймиз", - деди Хави матбуот анжуманида.
"Барселона" ҳозирда Ла Лига чемпионлиги учун курашда энг яқин таъқибчисидан 7 очко олдинда. Каталония жамоаси охирги марта чемпионликни 2019 йилда қўлга киритган.
