"ПСЖ" марказий ҳужумчиси Килиан Мбаппе ўзининг тарихий ютуғи ҳақида фикр билдирди. 24 ёшли ҳужумчи уругвайлик Эдинсон Каванини ортда қолдириб, клубнинг энг яхши тўпурари бўлди.
"ПСЖ" шарафини ҳимоя қилиш мен учун катта шараф, чунки Париж менинг она шаҳрим. Мен бу ерда ўйнайман ва тарих ёзмоқчиман. Бу жуда ажойиб рекорд. Аммо мени бундан ташқари жамоа ютуқлари ҳам қизиқтиради", - деди Мбаппе.
Мбаппе “Нант” дарвозасига урган голи билан “ПСЖ” тарихидаги энг яхши тўпурарга айланди. Форвард 247 учрашувда 201 та гол урган.