Англия терма жамоаси ва “Манчестер Юнайтед”нинг собиқ ҳимоячиси Рио Фердинанд Дортмунднинг “Боруссия” клуби ярим ҳимоячиси Жуд Беллингем ва “Вест Ҳэм” ярим ҳимоячиси Деклан Райсга маслаҳат берди.
"Агар мен шу болаларнинг ўрнида бўлганимда, турғунликда бўлган "Ливерпул"ни эмас, "Юнайтед"ни танлаган бўлардим. Менимча, “МЮ” яқин йилларда мерсисайдликларга қараганда анча муваффақиятли бўлади”, — деди Фердинанд BBC Sportга.
"Манчестер Юнайтед" жорий мавсумда АПЛда учинчи ўринда, "Ливерпуль" эса олтинчи ўринда.
Бугун, 5 март куни жамоалар “Энфилд”да ўзаро тўқнаш келишади.
