Бразилиялик ҳужумчи Роберто Фирмино 2022/2023 йилги мавсум якунида “Ливерпул”ни тарк этади. Бу ҳақда 31 ёшли футболчининг агенти Рожер Виттманн айтиб ўтди.
"Роберто мавсумнинг иккинчи қисмида чиройли тарзда кетиш учун ўзининг энг яхши вариантини кўрсатмоқчи. Роберто клуб билан музокара олиб боришни режалаштирмаяпти. Унинг сўзларига кўра, бу қарор "Ливерпуль" раҳбарияти билан биргаликда қабул қилинган", - дея хабар беради Football Insider.
Бразилиялик футболчи 2015 йилдан буён “Ливерпуль” сафида тўп тепади. “Қизиллар” билан биргаликда Роберто Чемпионлар лигасида ғолиб чиқди ва Премьер-лига чемпионига айланди.
Фирмино жорий мавсумда 26 та ўйинда майдонга тушиб, 9 та гол урди ва 4 та голли узатмани амалга оширди.
