Суперлиганинг 1-туридан ўрин олган “Сурхон” – ОКМК (1:3) учрашувидан сўнг меҳмонлар бош мураббийи Миржалол Қосимов ўз фикрларини билдириб ўтди.

“Сурхон” жамоаси стандарт вазиятлар ва қарши ҳужумларга эътибор қаратишини билар эдик. Биринчи бўлимда ўзимизни оғир вазиятга солиб қўйдик. Хотиржам тарзда ўйинимизни давом эттирдик ва бу ўз самарасини берди. Лекин содда тилда айтганда “автобус”ни ёриб ўтиш ҳар доим қийин бўлган. “Сурхон” футболчиси биринчи бўлимдаги бирга бир вазиятни голга айлантирганида, вазият бошқача бўлиши ҳам мумкин эди. Март ойида ҳамма жисмонан юз фоиз тайёр бўлмайди. Шу ўйинлар орқали жамоа спорт формага кириб олади”, – деди Қосимов.