Superliganing 1-turidan o‘rin olgan “Surxon” – OKMK (1:3) uchrashuvidan so‘ng mehmonlar bosh murabbiyi Mirjalol Qosimov o‘z fikrlarini bildirib o‘tdi.
“Surxon” jamoasi standart vaziyatlar va qarshi hujumlarga e’tibor qaratishini bilar edik. Birinchi bo‘limda o‘zimizni og‘ir vaziyatga solib qo‘ydik. Xotirjam tarzda o‘yinimizni davom ettirdik va bu o‘z samarasini berdi. Lekin sodda tilda aytganda “avtobus”ni yorib o‘tish har doim qiyin bo‘lgan. “Surxon” futbolchisi birinchi bo‘limdagi birga bir vaziyatni golga aylantirganida, vaziyat boshqacha bo‘lishi ham mumkin edi. Mart oyida hamma jismonan yuz foiz tayyor bo‘lmaydi. Shu o‘yinlar orqali jamoa sport formaga kirib oladi”, – dedi Qosimov.
