5 март, якшанба куни Англия чемпионатининг 26-туридан ўрин олган "Ливерпуль" – "Манчестер Юнайтед" баҳси бўлиб ўтди. Учрашув "Энфилд"да бўлиб ўтди ва Юрген Клопп шогирдларининг йирик - 7:0 ҳисобидаги ғалабаси билан якунланди.
Жанг чоғида "мерсисайдликлар" клуби мухлислари ўтган йилнинг ноябрь ойи охирида "манкунианликлар" сафини тарк этган "қизил иблислар"нинг собиқ ҳужумчиси Криштиану Роналдунинг исмини айтиб ҳайқиришди. "Қизиллар" мухлислари трибунадан "Вива, Роналду" деб ҳайқиришди.
Айни дамда Криштиану Саудия Арабистони чемпионатида "Ан-Наср" клубида ўйнамоқда.
Кечаги мағлубиятдан сўнг "Манчестер Юнайтед" 49 очко билан АПЛ турнир жадвалида учинчи ўринда қолган бўлса, "Ливерпуль" (42) бешинчи ўринга кўтарилиб олди.
