Луиш Кампуш Килиан Мбаппе ҳақида гапирди.

Шанба куни ҳужумчи Лига 1нинг 26-турида "Нант"га қарши ўйинда 4:2 ҳисобида гол уриш бўйича клуб рекордини янгилади. Ҳозир унинг "ПСЖ" сафида урган голлари сони 201 тага етди ва Эдинсон Каванини ортда қолдирди.

“Мен унга доимо эътироз билдираман, чунки у бундан ҳам яхшироқ бўлиши мумкин.

Менимча, Мбаппе 25-26 ёшида чўққига чиқади. У ҳозиргидек ишлашда давом этиши керак. У жуда яхши”, - деди “ПСЖ” спорт маслаҳатчиси.

Жорий мавсумда Мбаппе "ПСЖ" сафида барча турнирлар доирасида 30 та ўйинда майдонга тушиб, 30 та гол ва 7 та голли узатмага муаллифлик қилган.