Ҳуқуқлари "Сассуоло"га тегишли бўлган ярим ҳимоячи Давиде Фраттези Италия чемпионатидаги икки топ-клубнинг қизиқиш доирасига тушиб қолди. Tuttomercatoweb хабарига кўра, Туриннинг "Ювентус" ва пойтахтнинг "Рома" клублари 23 ёшли футболчини ўз сафига қўшиб олмоқчи.

Аввалроқ ОАВда Фраттезига Англия Премьер-лигаси вакиллари қизиқиш билдираётгани ҳақида хабарлар тарқалганди.

Давиде 2017 йилнинг июлидан бери "Сассуоло" шарафини ҳимоя қилиб келмоқда. Томонлар ўртасидаги амалдаги меҳнат шартномаси муддати 2026 йилнинг ўрталаригача ҳисобланади. Transfermarkt экспертлари унинг қийматини 22 миллион еврога баҳоламоқда.