"Валенсия" директори Ла Лига доирасидаги "Барселона" билан ўйиндаги (0:1) ҳакамлик ҳақида гапирди.
86-дақиқада "Валенсия" ярим ҳимоячиси Франсиско Перес Франк Кессье билан курашганидан сўнг майдонга йиқилди. Аммо ҳакам Хавьер Рохас бу эпизодда қўполликни кўрмади ва бурчак тўпини белгилади.
"Афсуски, "Барселона" футболчиси тўпга ўйнамаганди, ҳакамлар эса бурчак тўпини белгилашди. Бу аниқ хато ва бу вазиятга ВАР аралашиши керак эди.
Менда кийиниш хонасига кириш имконияти бўлмади, лекин кадрларни кўриб чиқдим ва Кессье тўпга тегаётганини кўрмадим.
Биз қила оладиган энг яхши нарса бу курашни давом эттиришдир, аммо бундай лаҳзалар зерикарли ва камситувчи, чунки улар бизни аниқ гол уриш имкониятидан маҳрум қилади" - деди Мигель Анхел Корона.
